जय जोहार । (chhattisgarh) मुख्यमंत्री भूपेश बघेल ह अपन भेंट-मुलाकात अभियान के तहत आज मनेन्द्रगढ़ विधानसभा क्षेत्र के ग्राम कटकोना अउ पाराडोल म जनता ले रू-ब-रू होही। ए दउरान मुख्यमंत्री ह चर्चा कर सासकीय योजना अउ कार्यक्रम के फीड बैक लेही । मुख्यमंत्री ह एखर पूर्व बैकुण्ठपुर म अधिकारी मन के बइठक लेके आने आने योजना अउ कार्यक्रम के प्रगति के समीक्षा करही। एखर बाद विकास काम के लोकार्पण अउ भूमिपूजन करही ।
(chhattisgarh) दउरा कार्यक्रम के अनुसार मुख्यमंत्री भूपेश बघेल ह बैकुण्ठपुर म बिहनिया 10 बजे ले अधिकारी मन के बइठक ले के बाद विकास काम के लोकार्पण अउ भूमिपूजन करही। एखर बाद मुख्यमंत्री ह हेलीकाप्टर ले मंझनिया 12 बजे खडगवां विकासखण्ड के ग्राम कटकोना पहुंचही। इहां आम जनता ले भेंट-मुलाकात के बाद पाराडोल जाही ।
उहां 2.35 बजे ले 3.45 बजे तक आम जनता ले भेंट-मुलाकात करे के बाद मनेन्द्रगढ़ जाही। (chhattisgarh) इहां स्वामी आत्मानंद अंग्रेजी माध्यम स्कूल के सुभारंभ करही । मुख्यमंत्री ह 6.30 बजे ले 8.30 बजे तक मनेन्द्रगढ़ नई लेदरी म आने आने समाज अउ संगठन के पदाधिकारी मन ले मुलाकात करही । मुख्यमंत्री ह नई लेदरी म रात्रि विश्राम करही ।
