जय जोहार । (chhattisgarh) मुख्यमंत्री भूपेश बघेल ह आज कांकेर विधानसभा क्षेत्र के बादल अउ कोदागांव म जनता ले भेंट-मुलाकात करे के संग सासकीय योजना अउ कारीकरम के क्रियान्वयन के स्थिति के मुआयना करही। जन-सामान्य ले फीडबैक घलो लेही ।
मुख्यमंत्री ह पूर्वान्ह म ही कांकेर ले बिलासपुर-भोपाल-बिलासपुर विमान सेवा के वर्चुअल सुभारंभ करे के संग ही गोधन न्याय योजना के तहत पशुपालक, ग्रामीणों, गौठान समिति अउ स्व-सहायता समूह ल 15.37 करोड़ रूपिया के ऑनलाइन अंतरण ओखर बैंक खाता म करही । मुख्यमंत्री ह मंझनिया 12 बजे ले कांकेर म अधिकारी मन के बइठक लेके विकास काम के समीक्षा, विकास, निर्माण काम के लोकार्पण अउ मदर एण्ड चाईल्ड केयर हॉस्पिटल के उद्घाटन घलो करही ।
जारी दउरा कारीकरम के अनुसार (chhattisgarh) मुख्यमंत्री भूपेश बघेल ह 5 जून के पूर्वान्ह 10.50 बजे ले वीडियो कॉन्फ्रेंसिंग के माध्यम ले बिलासपुर-भोपाल-बिलासपुर विमान सेवा के सुभारंभ अउ गोधन न्याय योजना के अंतर्गत रकम अंतरण करही । मुख्यमंत्री ह मंझनिया 12 बजे ले कांकेर में जिला स्तरीय अधिकारी मन के बइठक लेके सासकीय योजना अउ क्रियान्वयन के स्थिति के समीक्षा करही। एखर बाद विकास-निर्माण काम के लोकार्पण-शिलान्यास अउ मदर एण्ड चाईल्ड केयर हॉस्पिटल के उद्घाटन करही ।
(chhattisgarh) मुख्यमंत्री ह मंझनिया 1.05 बजे कांकेर ले ग्राम बादल जाही, उहां 1.25 बजे ले 2.25 बजे तक जनता से भेंट-मुलाकात करे के बाद कोदागांव म 3.30 ले 4.30 बजे तक जनता ले भेंट-मुलाकात करही। संगेसंग सासकीय योजना के क्रियान्वयन के मुआयना अउ जनता ले फीडबैक लेही। मुख्यमंत्री ह कोदागांव ले 4.45 बजे कांकेर वापस आही अउ संझा 5.30 बजे ले सी-मार्ट एवं डंडिया ताबाल के जीर्णोंद्धार काम के लोकार्पण समारोह म सामिल होही ।
No Comment! Be the first one.