रायपुर। व्यापमं ह रविवार के प्री बीएड के परीक्षा के आयोजन करिस। जेमा भावी सिक्षक मन बढ़-चढ़ के हिस्सा लिन। ये दरि प्री बीएड बर एक नवा प्रयोग करे गिस हे। अब बीएड म बीए बीएड अऊ बीएससी बीएड बर कोर्स होही। ये कोर्स चार बछर के होही, एकर ले अब बीएड करइया मन के ग्रेजुएसन घलो संग ही हो जाही। बीए बीएड अऊ बीएससी बीएड बर पहिली बेरा प्रवेस परीक्षा ले जात हे। परीक्षा प्रदेस के पांच संभाग मुख्यालय के 30 केंद्र म आयोजित होइस। ये प्री बीएड के परीक्षा म 10 हजार ले ज्यादा युवा मन भाग लिन, जेमा 3 सेट म पेपर होइस हे। बीए बीएड अऊ बीएससी बीएड बर पहिली बेरा प्रवेस परीक्षा ले गिस जेमा बारहवी पास छात्र मन सीधा सामिल होइन।
