जय जोहार । (mahasamund ) संसदीय सचिव अउ विधायक विनोद सेवनलाल चंद्राकर ह ग्राम पंचायत बड़गांव म ग्रामीण मन के समस्या ले रूबरू होइन। ए दउरान वो हा समस्या के निराकरण के दिसा म उचित पहल करे के आश्वासन दीन।
9 जुलाई के तुंहर विधायक तुंहर द्वार अभियान के तहत (mahasamund ) संसदीय सचिव अउ विधायक श्री चंद्राकर ह ग्राम पंचायत बड़गांव पहुंचीन । इहां संसदीय सचिव श्री चंद्राकर ह जनसंपर्क करत ग्रामीण मन के समस्या ले रूबरू होइन। ग्रामीण मन ह सीसी रोड, पेयजल समेत कई ठीन मांग ल ध्यानाकर्षित कराइन । जेमा संसदीय सचिव श्री चंद्राकर ह जल्दीच उचित पहल करे के आश्वासन दीन ।
एखर बाद गांव म चौपाल लगाके (mahasamund ) संसदीय सचिव श्री चंद्राकर ह भूपेश सरकार के योजना के जानकारी दीन । वो हा भूपेश सरकार ल किसान मन के सरकार बतात हुये किहीन कि किसान, मजदूर अउ गरीब मन के दर्द समझके जनसरोकार के नीतिगत फइसला ले आज किसान, गरीब, मजदूर समेत सबो वर्ग खुसहाल हे ।
ए दउरान प्रमुख रूप ले जनपद पंचायत अध्यक्ष यतेंद्र साहू, ब्लॉक कांग्रेस कमेटी के अध्यक्ष ढेलू निषाद, (mahasamund ) जिला पंचायत सदस्य अमर अरूण चंद्राकर, जनपद सदस्य कुणाल चंद्राकर, सरपंच हुलसिया निषाद, प्रतिनिधि संतोष निषाद, कुलेश्वर ठाकुर, दिलीप चंद्राकर, आवेज खान, गौरव जानी चंद्राकर, सलीम भाठी, शैलेंद्र सेन, गजेंद्र साहू, मानिक साहू मौजूद रिहीन ।
No Comment! Be the first one.