बिलासपुर। पेंड्रा के पिपरिया गांव के एक किसान ह फांसी लगाके आत्महत्या कर लिस। एती किसान के परिजन मन आत्महत्या के पाछु सहकारी बैंक म करजा चुकाए के दबाव बनाए के आरोप लगाइन। किसान के मउत के बाद परिजन मन सव ल सड़क म राखके चक्काजाम करिन। जेकर बाद मउका म पहुंचे पुलिस ह परिजन मन ल समझाईस दिस। बताए जात हे कि किसान ह गुरूवार के अपन सुसुराल कुदरी गांव गए रहिस, जिहां ओहर फांसी लगा लिस। बता दन कि किसान ह सेवा सहकारी समिति लरकेनी ले 1 लाख 20 हजार रुपिया के कर्जा ले रहिस। फेर 4 बछर म कर्जा के रकम बाढ़के 1 लाख 70 हजार हो गिस, जउन बात ले किसान कइ दिन ले परेसान चलत रहिस। बाड़त परेसानी के चलत ओहर आत्महत्या कर लिस।
