रायगढ़. जेन मधुमक्खी के मीठा शहद ह लोगन मन के स्वाद म इजाफा करथे आज उही मधुमक्खी लोगन मन के जीव के काल बन गे हे। मामला जिला के धरमजयगढ़ के हरे जिहां मधुमक्खी मन ह लोगन मन जीना दूभर कर दे हे। इहां चौक-चौराहा म पेड़ मन में मधुमक्खी के छत्ता ह छवा गे हे। ऐ सती अवईया जवईया मनखे मन के के नींद हराम हो गे हे।
बीते रात कुछु अइसने घटना ह होईस। रात म 8 के आसपास मधुमक्खी के शहद ले भरे हुए छत्ता ह पेड़ के टहनी ले बिजली के तार में जा गिरिस। ऐखर बाद इलाका म बिजली गुल हो गे। घटना के बाद सबले बड़े दुविधा इही रिहिस की छत्ता ल बिजली कर्मचारी मन कईसे हाथ लगाए। काबर कि ऐखर ले बिजली कर्मचारी मन उपर मधुमक्खी ह हमला कर देतीस।
बाद में अब्बड़ मशक्कत के बाद बिजली कर्मचारी मन ह लाईन ल सुधारे में कामयाब होईस। हालांकि तब तक पांच घंटा बीत चुके रिहिस। ऐ कोनों नवा मामला नोहे एखर ले पहिली भी क्षेत्र म मधुमक्खी मन के हमला के खबर आ चुके हे। ऐखर बाद सामाजिक कार्यकर्ता मन मधुमक्खी के छत्ता ल शहर ले हटाए के मांग वन विभाग, एसडीएम, समेत नगरपालिका अधिकारी ले घलो करे रिहिन। फेर एखर बाद भी अब तक कोनों सार्थक कार्रवाई नई करे गे हे।
No Comment! Be the first one.