dhamtari जिला म अब मास्क पहनबे, त मिलही पेट्रोल अऊ डीजल, कलेक्टर ह जारी करिन आदेश

जय जोहार…. धमतरी (dhamtari) जिला म अब पेट्रोल अऊ डीजल बर उपभोक्ता मन ल मास्क लगाय बर पड़ही। अगर कोनो उपभोक्ता ह बगैर मास्क के पेट्रोल अऊ डीजल भराय बर पेट्रोल अऊ डीजल पंप म जाही, त ओ मन ल अब पेट्रोल अऊ डीजल नई मिलही।
कोविड-19 के संक्रमण ल देखत हुये धमतरी (dhamtari) जिला के कलेक्टर जयप्रकाश मौर्य ह बगैर मास्क उपभोक्ता मन ल पेट्रोल अऊ डीजल नई दे जाय के निर्देश सबो पेट्रोल पंप संचालक मन ल दे हे।
जारी निर्देश म कहे गे हे कि (dhamtari) यदि कोनो उपभोक्ता ह बगैर मास्क के पेट्रोल अऊ डीजल ले बर आवत हे, त बिना मास्क वाला उपभोक्ता मन ल कोनो हालत म पेट्रोल अऊ डीजल प्रदान नई करे जाए। यदि बगैर मास्क के कोनो उपभोक्ता ल डीजल अऊ पेट्रोल दे जावत हे, त अईसे फर्म संचालक के विरुद्ध नियमानुसार कार्रवाई करे जाही।