जय जोहार। (Raipur) छत्तीसगढ़ के सिक्षित बेरोजगार युवा मन ल रोजगार ले जोड़े बर पांच जनवरी के राजधानी रायपुर के पुराना पुलिस मुख्यालय परिसर म प्लेसमेंट कैम्प के आयोजन करे जाही । जिला रोजगार कार्यालय म आयोजित ए कैम्प ले 165 ठीन पद म बेरोजगार युवा मन ह प्रतिष्ठित संस्था म भर्ती हो सकही । ये कैम्प बिहनिया 11 बजे ले मंझनिया 2 बजे तक चलही ।
ए कैम्प म महावीर सिक्षा प्रसार समिति डहार ले मैनेजर सहित व्याख्याता के पचींस पद म भर्ती होही । ए पद बर आर्टस, साइंस या कामर्स विषय म पोस्ट ग्रेजुएट अउ बी.एड पास अभ्यर्थी ह कैम्प म सामिल हो सकत हे । चयनित उम्मीदवार ल 6 हजार रुपिया ले लेके 15 हजार रुपिया तक मासिक वेतन दे जाही ।
अइसने जनाधार कौशल विकास समिति डहार ले 90 पद म भर्ती बर उम्मीदवार के चयन करे जाही। फील्ड एक्जीक्यूटिव, मार्केटिंग एक्जीक्यूटिव, जिला नोडल ऑफिसर, जोनल आफसर के पद म भर्ती करे जाही। ए पद म नौकरी बर बारहवीं, ग्रेजुएट, डी.सी.ए. पी.जी. डी.सी.ए. पास उम्मीदवार आवेदन कर सकत हे । चयनित होय म 8 हजार रुपिया ले लेके 15 हजार रुपिया तक वेतन दे जाही ।
प्लेसमेंट कैम्प म गोयल बोरवेल्स संस्था डहार ले साइट इंजीनियर, सीनियर इंजीनियर अउ सुपरवाइजर के 50 पद म घलो भर्ती होही । सिविल इंजीनियरिंग म बी.ई, बी.टेक या डिप्लोमा धारक उम्मीदवार एखर बर आवेदन कर सकत हे । चयनित होय म अनुभव के अनुसार 8 हजार रुपिया ले लेके 25 हजार रुपिया प्रतिमाह तक वेतन दे जा सकत हे ।
Other Articles
Raipur : आज होही मंत्रिपरिसद के बइठक, सीएम भूपेश बघेल ह करही अध्यक्षता
No Comment! Be the first one.