Kurud : किरण पब्लिक स्कूल म छात्र-छात्रा मन ल दिलाइन हे राष्ट्रीय एकता अउ अखण्डता ल बनाए रखे के सपथ

जय जोहार। (Kurud) नगर के सैक्षणिक संस्था किरण पब्लिक स्कूल म आज लौहपुरुष सरदार वल्लभ भाई पटेल के जयंती के अवसर म हिंदी के व्याख्याता मुकेश कश्यप ह प्राथना स्थल म राष्ट्रीय एकता अउ अखण्डता ल बनाए रखे बर छात्र-छात्रा अउ सिक्षक स्टाफ ल सपथ दिलाइन । सबो ह राष्ट्र के एकता ,अखण्डता अउ सुरक्षा ल बनाए रखे के सपथ लीन।

(Kurud) ए अवसर म व्याख्याता मुकेश कश्यप ह सरदार पटेल जी के जिनगी म प्रकास डालत हुए किहीन कि पटेल जी दृढ़ इच्छा सक्ति अउ कुसल नेतृत्व के परिचायक रिहीन । वोहा नवा भारत के निर्माण ल मजबूती प्रदान करे के काम करत रिहीन । लौहपुरुष सरदार वल्लभ भाई पटेल ह भारत के प्रथम गृह मंत्री रिहीन। ओमन ल लौहपुरुष कहे जात रिहीन, संगेसंग ओमन ल सरदार के उपाधि घलो प्रदान करे गीन । हमन ल ओखर जिनगी ले प्रेरणा लेके अपन एकता अउ अखण्डता ल मजबूत बनाय के संकल्प लेना होही ।

ए अवसर म (Kurud) विद्या किरण शिक्षण समिति अध्यक्ष गोविंद मगर, वनिता मगर, प्राचार्य अंकिता सिंह, आर.के.खरे, वेदलता सिन्हा,जमुना देवांगन,पोषण साहू , वेदप्रकाश कंवर , शीलनिधि साहू, दुर्गेश लक्ष्मी नारायण साहू ,गोपिका साहू, अरशी रिजवी , भाग्यश्री सोनवानी, डिलेश्वरी साहू,रवीना ध्रुव, आकांक्षा साहू, ज्योति ध्रुवंशी , तीरथ दीवान, भगवान दास जोशी,ऋतु निर्मलकर समेत सबो छात्र-छात्रा उपस्थित रिहीन। ये जानकारी ल मुकेश कश्यप ह दीन ।