येमा गांव बनत रहिस हे अवैध सराब…. पुलिस के दबिस

बलौदा बाजार। सिटी कोतवाली पुलिस ह बड़े कार्रवाई करत हुए गांव म अवैध सराब निरमान करइया लोगन ल गेरफ्तार करिन हे। येमा गांव के 50 ले अधिक महिला-पुरुष सामिल हे। गेरफ्तारी के दउरान पुलिस अउ आरोपी मन के बीच झूमाझटकी घलो होइस।
सूढ़ेली गांव म अवैध सराब का कारोबार लंबे समय ले चलत हे । पुलिस ल येकर जानकारी मिली के अवैध सराब के काम फेर सुरू होगे हे । येमा पुलिस ह कार्रवाई करत हुए 100 लीटर कच्ची सराब ल जब्त करिन। पकडे़ गे आरोपीमन के खेलाफ अपराध दरज कर उमन ल न्यायिक हिरासत भेज देय गिस हे।
जिला म चलत अवैध सराब के कारोबार ल रोके बर जिला पुलिस ह बड़ मोरता खोल दिस हे। पुलिस टीम सतरकता के संग कार्रवाई कर सराब कोचिया ल गेरफ्तार करत हे। येकर पहिलि घलोक टीम ह अवैध सराब दुकान के करमचारी मन ल जेल भेज दिस हे।