Monday, September 28, 2020
Home ताजा समाचार विभागीय समस्या के निराकरण बर पुलिस परिवार कल्याण सेल के हो गे...

विभागीय समस्या के निराकरण बर पुलिस परिवार कल्याण सेल के हो गे गठन, डीजीपी ह करही मानिटरिंग

जय जोहार…. मुख्यमंत्री भूपेश बघेल ह पुलिस विभाग के अधिकारी, कर्मचारी अउ ओखर परिजन मन के विभागीय समस्या ल संवेदनशीलता के संग निराकरण करे के निर्देश दे हे।

ए क्रम म डीजीपी डीएम अवस्थी ह पुलिस मुख्यालय, नवा रायपुर म पुलिस परिवार कल्याण सेल के गठन करे हे।

डीजीपी ह सेल के तरफ ले पुलिस बल के अधिकारी, कर्मचारी के आलावा सेवानिवृत्त अधिकारी, कर्मचारी, शहीद अउ मृत कर्मी मन के परिजन के तरफ ले आवेदन म तत्काल कार्यवाही करत हुये निराकरण करे के निर्देश दे हे।

डीजीपी अवस्थी ह बताइस कि सेल के गठन के उद्देश्य पुलिस कर्मी अउ ओखर परिजन मन के समस्या ल तुरंत निराकरण करना हे। कई बार संबंधित इकाई म समस्या के निराकरण म देर होवत हे।
एखर सती सेल के गठन कर अइसे व्यवस्था बनाय गे हे कि पुलिस कर्मी के आलावा ओखर परिजन घलो मोर ले मिल के अपन समस्या से अवगत करा सके।

पुलिस कर्मी अउ ओखर परिजन ह पुलिस मुख्यालय म सेल के फोन नंबर म संपर्क कर तय समय म आ के अपन समस्या ल रख सकही।
सेल के फोन नंबर ल अलग ले जारी करे जाही। जेखर पुलिस परिवार कल्याण सेल के तरफ ले तुरंत निराकरण करे जाही। डीजीपी ह उक्त सेल के तरफ ले करे गे निराकरण के सरलघा मानिटरिंग करही।

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments