जय जोहार…. (chhattisgarh ) राष्ट्रपति रामनाथ कोविंद ह सिक्षक दिवस के अवसर म काली छत्तीसगढ़ के सिक्षक प्रमोद कुमार शुक्ला ल राष्ट्रीय सिक्षक पुरस्कार ले सम्मानित करही। राष्ट्रीय सिक्षक दिवस के मउका म ये सम्मान समारोह ह 5 सितम्बर के बिहनिया 10 बजे ले वर्चुअल आयोजित होही।
राष्ट्रीय सिक्षक सम्मान पुरस्कार 2021 ले सम्मानित होवइया (chhattisgarh ) प्रमोद कुमार शुक्ला ह एकलव्य आदर्श आवासीय विद्यालय करपावंड, जिला बस्तर म व्याख्याता के पद म पदस्थ हे। उल्लेखनीय हे कि राष्ट्रीय सिक्षक सम्मान बर ए बछर पूरा देस ले 44 सिक्षक मन के चयन करे गेहे।
एमा छत्तीसगढ़ (chhattisgarh ) के व्याख्याता प्रमोद कुमार शुक्ला के चयन राज्य बर गौरव के बात हे। व्याख्याता श्री शुक्ला सिक्षक दिवस के अवसर म राजधानी के नवा रईपुर स्थित मंत्रालय महानदी भवन के एन.आई.सी. के स्टूडियो म वर्चुअली राष्ट्रीय सिक्षक पुरस्कार ल प्राप्त करही।
No Comment! Be the first one.