राष्ट्रपति के पउधारोपन : येमा म घलो सियासत नजर आइस कांग्रेस ल

रायपुर। राष्ट्रपति रामनाथ कोविंद ह अपन बस्तर दउरा के दउरान वृक्छारोपन कर परयावरन बचा के संदेस दिस लेकिन छत्तीसगढ़ कांग्रेस ल येमा घलो सियासत नजर आइस हे। कांग्रेस नेता शैलेष नितिन त्रिवेदी ह मुख्यमंत्री रमन सिंह अउ राष्ट्रपति रामनाथ कोविंद के तस्वीर सोशल मीडिया म सेयर करके चुटकी लीस।
छत्तीसगढ़ कांग्रेस के संचार बिभाग के अध्यक्छअउ प्रदेस महामंत्री शैलेष नितिन त्रिवेदी ह तस्वीर शेयर करत हुए लिखिन हे के ‘अब तक सिरिफ सुने रहे हन , आज देख घलो लिन बारिस म छाता लेके पउधा ल पानी देना…धन्य हे जे अइसे लोगन देस ल चलावत हवय’।
कांग्रेस के मुख्य प्रवक्ता सुशील आनंद शुक्ला ह तस्वीर के संग तंज करत हुए लिखिन हे के ‘राष्ट्रपति रामनाथ कोविंद ह छत्तीसगढ़ प्रवास के दउरान लोगन ल परयाबरन के प्रति जागरुक बनाय बर भरे बरसात म छाता लगाके न सिरिफ वृक्षारोपन कर पेड़ के सिंचाई घलो करिन’।