जय जोहार…. छत्तीसगढ़ (Chhattisgarh) के लोक निर्माण मंत्री ताम्रध्वज साहू ह सोमवार के नईदिल्ली प्रवास के दौरान द्वारका म बनत नवा छत्तीसगढ़ सदन के अवलोकन करिन। ए दौरान लोक निर्माण मंत्री श्री साहू ह विभागीय अधिकारी अऊ निर्माण एजेंसी ल निर्माण कार्य ल पूरा गुणवत्ता के संग समय सीमा म पूरा कर के निर्देश दे हे।
बता देन कि (Chhattisgarh) मुख्यमंत्री भूपेश बघेल ह 19 जून 2020 म अपन रायपुर निवास कार्यालय ले नईदिल्ली के द्वारका म बनइया ए नवा छत्तीसगढ़ सदन के आनलाइन शिलान्यास करे रिहिन। नवा छत्तीसगढ़ सदन के निर्माण ल नईदिल्ली के सेक्टर 13 द्वारका म 60 करोड़ 42 लाख रुपया के लागत ले कराय जावत हे।
ए सदन के निर्माण बर 42 हजार 803 वर्ग फीट भूमि ल 22.50 करोड़ रुपया म खरीदे गे हे। नवा छत्तीसगढ़ (Chhattisgarh) सदन म 10 स्यूट रूम, 67 कमरा, डायनिंग हाल एंड वेटिंग समेत मीटिंग हाल अऊ कर्मचारी मन बर आवासीय टावर के निर्माण करे जात हे।
Other Articles
No Comment! Be the first one.