जय जोहार…. (Raipur District) पल्स पोलियो अभियान ल सफल बनाय बर रेडक्रास सभाकक्ष म आज बइठक होय हे। ए बइठक के अध्यक्षता ल जिला पंचायत के सीईओ ह करिन। ए अवसर म जानकारी दे गिस कि ए बार पल्स पोलियो अभियान 31 जनवरी ले 2 फरवरी तक आयोजित करे जाही।
ए अभियान के अंतर्गत (Raipur District) शून्य ले पांच साल तक के लईका मन ल पोलियो के दवा पिलाय जाही। एखर बर माइक्रो प्लान तैयार करे जा चुके हे। जेखर तहत 31 जनवरी के बूथ म अऊ 1-2 फरवरी के घर-घर जाके छुटे लईका न ल पोलियो के खुराक दे जाए।
एखर बारे म जानकारी देवत हुये (Raipur District) जिला टीकाकरण अधिकारी डॉ अनिल परसाई ह बताईस कि ए बार जिला म लगभग 3.42 लाख ले जादा लईका मन ल लक्ष्य डायरेक्टरेट आफ हेल्थ सर्विसेज ले मिले हे। जिला म 1370 ले जादा बूथ बनाए जाही, जेमा हरेक बूथ म 4 सदस्य मन के टीम रही। ए टीम के तरफ ले लईका मन ल पोलियो के दवा पिलाय जाही।
