रायपुर. आमानाका म भारत पेट्रोल पंप के पास आज मंझनिया कून एक सिटी बस खड़े टेक्टर ले टकरा गिस. जेखर ले बस म सवार 6 झन यात्री मन घायल हो गे. सबो घायल ल इलाज बर एम्स अस्पताल म भरती करे गे हे.
बतात हे कि सिटी बस क्रमांक सीजी 04 ई 2764 ह यात्री मन लेके कुम्हारी तरफ जात रहीस तभे आमानाका म भारत पेट्रोल पंप के पास सड़क के पाई म खड़े टेक्टर ले टकरा गिस. टक्कर पड़े ले टेक्टर ह ढुलत-ढुलत करीब 100 मीटर तक चले गे. दुर्घटना म सिटी बस म सवार 6 झन यात्री मन ल गंभीर चोट लगिस हे, जेला इलाज बर एम्स अस्पताल म भरती कराए गे हे. घटना के सूचना मिले के बाद आमानाका पुलिस ह बस चालक ल हिरासत म ले लिन हे.
Other Articles
Next
Previews
No Comment! Be the first one.