Wednesday, August 4, 2021
Home ताजा समाचार chhattisgarh : किसान मन के विकास बर मील के पत्थर हे राजीव...

chhattisgarh : किसान मन के विकास बर मील के पत्थर हे राजीव गांधी किसान न्याय योजना – सीएम भूपेश बघेल

जय जोहार…. (chhattisgarh) सीएम भूपेश बघेल ह आकाशवाणी ले हरेक महीना प्रसारित होवइया लोकवाणी के 18 वा कड़ी म बातचीत के सुरुआत ल जय जोहार के अभिवादन के संग करिन। सीएम बघेल ह कहिन कि छत्तीसगढ़ ह किसान मन के अउ खेती किसानी के राज्य हे। हमर मन के मानना हे कि किसान ह खुशहाल होही, त प्रदेश ह खुशहाल होही।

विकास के इही दूरगामी सोच के संग हमन ह छत्तीसगढ़ म 21 मई 2020 ले ’राजीव गांधी किसान न्याय योजना’ के सुरुआत करे हन। ये योजना ह हमर सरकार के कृषक हितैषी सोच ल साफ साफ दर्शाती हे। एखर ले छत्तीसगढ़ म किसान मन के आय ह बाढ़ही अउ ओ हा आर्थिक रूप ले सक्षम बनही। सीएम बघेल ह कहिन कि ये योजना ह छत्तीसगढ़ (chhattisgarh ) के किसान मन के विकास बर मील के पत्थर साबित होही।

सीएम बघेल ह कहिन कि हमन ह छत्तीसगढ़ म 21 मई 2020 के राजीव गांधी किसान न्याय योजना के सुरुआत करिन अउ साल भर के अंदर चार किस्त म पूरा राशि 5 हजार 628 करोड़ रुपया के भुगतान १८ लाख 45 हजार किसान मन के कर दे हन, जेन मनखे मन ह पहले चार क़िस्त म राशि दे ल लेके आपत्ति करत रिहिन। ओमन ह कोरोना संकट ल देखत हुए ये कहे ल सुरु कर दे रिहिन कि खरीफ 2021 म धान बेचइया किसान मन ल राजीव गांधी किसान न्याय योजना के लाभ नई दे जाहि।

कोरोना के सेती देश अउ प्रदेश के आर्थिक स्थिति म निश्चित तौर म बुरा असर पड़े हे। (chhattisgarh ) हमन ह राजीव गांधी किसान न्याय योजना 2021 बर बाकायदा बजट म 5 हजार 703 करोड़ के प्रावधान करे हन। पिछले बच्छर के तरह राजीव जी के शहादत दिवस म पहला क़िस्त के राशि 1500 करोड़ रुपया के भुगतान किसान मन के खाता म कर दे गिस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments