Home ताजा समाचार आखिर काबर पायलट के वजह ले रामविचार  न रद्द करना पड़िस चुनावी...

आखिर काबर पायलट के वजह ले रामविचार  न रद्द करना पड़िस चुनावी सभा

292
0
Ram Vichar Bastar tour canceled

रायपुर. छत्तीसगढ़ लोकसभा चुनाव 2019 म बीजेपी संसाधन मन के कमी ले पहिली ले जूझत हे. अब निजी हेलीकॉप्टर के पायलट ह दंतेवाड़ा बर उड़ान भरे ले मना कर दिस हे. येखर वजह ले बीजेपी के वरिष्ठ नेता अउ पूर्व मंत्री रामविचार नेताम के बस्तर दऊरा टल गिस हे.

दरअसल शुक्रवार के सांसद रामविचार नेताम ल बस्तर में तीन चुनावी सभा ल संबोधित करना रिहिस हे. जेखर बर उमन हेलीकॉफ्टर ले जगदलपुर जाना रिहिस हे. लेकिन आखरी बेरा म पायलट ह अपन जान के खतरा बतात हुए बस्तर जा बर मना कर दिस.

ये मामला म उमन कहिन के भले ही मोर नउकरी चले जाए, लेकिन मय बस्तर नई जावव.  दरअसल कांकेर अउ धमतरी म होए माओवादी मुठभेड़ के बाद पायलट ह जान के खतरा बतात हुए हेलीकॉप्टर ले जाए बर मना कर दिस हे. बता देवन के बस्तर म 11 अप्रैल के पहिली चरन के चुनाव होना हे. शुक्रवार के बीजेपी के दंतेवाड़ा के आमापाली, बीजापुर, सुकमा अउ जगदलपुर म संगठनात्मक कार्यक्रम म रामविचार नेताम ल सामिल होना रिहिस हे. पूर्व मंत्री रामविचार नेताम ह कहिन के लोकसभा के चुनाव म बीजेपी के ही जीत होही.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.