प्रदेस के रिटायर्ड करमचारी मन ल एक बड़ सउगात दीन रमन ह

रायपुर। सीएम रमन सिंह ह बुधवार के प्रदेस के रिटायर्ड करमचारी ल एक बड़ सउगात दीन। सीएम रमन सिंह ह आज जवाहर लाल नेहरू मेडिकल कॉलेज के सभागृह म ऑनलाइन पेंशन मैनेजमेंट सिस्टम के सुभारंभ करिन। ये सिस्टम ‘आभार-आपकी सेवाओं का’ नाम ले तइयार करे गेहे । ये योजना ले प्रदेस के लगभग 80 हजार पेंसनर लाभान्वित होही। कारयक्रम के दउरान रमन सिंह ह पेंसनरों ल सम्मानित करिन, संग ही पेंसनर मन के रासि के चेक अउ प्रमान पत्र घलो दिन। ये दउरान रमन सिंह के संग कृषि मंत्री मंत्री बृजमोहन अग्रवाल, विधायक श्रीचंद सुंदरानी अउ मुख्य सचिव अजय सिंह मवजूद रहिन हे।
सीएम रमन सिंह ह सभा म मवजूद लोगन ल संबोधित करत हुए कहिन के ई-पेंशन डिजिटल युग म बड़ बदलाव हे। ये सेवा सेवानिवृत्त होवइया करमचारी मन बर उपयोगी साबित होही। ये योजना पेंसन ल सरलीकरन रे मारम प्रसस्त होही। नवा प्रनाली ले पेंसन प्रकरन के जानकारी अब मोबाइल म ही मिल जाही। अब हर प्रोसेस के जानकारी तुरंते च एसएमएस के जरिए मिलही। पेंसनर मन के सिकायत के निवारव घलो आन लाइन होही।
कृषि मंत्री बृजमोहन अग्रवाल ह कहिन के सेवानिवृत करमचारी मन के अनुभव सरकार बर उपयोगी हे, ऑनलाइन पेंसन सिस्टम बुजुरग नागरिक मन बर लाभकारी साबित होही। मुख्य सचिव अजय कुमार ह कहिन के प्रदेस तेजी ले डिजीटल सेवा के ओर बढ़त जात हे। ऑनलाइन पेंसन मैनजमेंट सिस्टम ले बुजुरग मन ल लाभ मिलही। अब उमन ल बैंक मन अउ दफ्तर मन के चक्कर नइ लगाय बर पडही।