Home सियासत Congress: रमन सिंह ल प्रधानमंत्री मोदी तक म भरोसा नई: शैलेश

Congress: रमन सिंह ल प्रधानमंत्री मोदी तक म भरोसा नई: शैलेश

264
0
छत्तीसगढ़ के मजदूर मन ल वापस लाये बर ट्रेन के तिथि ल जल्द करे तय: शैलेश नितिन त्रिवेदी

जय जोहार…. कुलपति चयन संशोधन म प्रदेश कांग्रेस (congress) संचार विभाग के अध्यक्ष शैलेश नितिन त्रिवेदी ह कहिन कि गुजरात के तत्कालीन मुख्यमंत्री अउ देश के वर्तमान प्रधानमंत्री नरेंद्र मोदी ह वर्ष 2009 म कुलपति नियुक्ति के नियम बनाय रिहिस कि कुलपति के चयन राज्य सरकार ह करही अउ अधिसूचना ल राज्यपाल जारी करही।

छत्तीसगढ़ सरकार ह घलो कुलपति चयन के अधिकार ल कैबिनेट ल देवत हुये संशोधन लाय हे, जेन राज्यपाल के पास अनुमोदन बर हे। रमन सिंह जी ल मोदी तक म भरोसा नई हे।
प्रदेश कांग्रेस (congress) संचार विभाग के अध्यक्ष शैलेश नितिन त्रिवेदी ह कहिन कि राज्यपाल ले मंत्री मन के मिले ले घलो रमन सिंह ल परेशानी हे। हमर मन के (congress) मंत्री रविन्द्र चौबे, मंत्री मोहम्मद अकबर, मंत्री डॉ शिवकुमार डहरिया, मंत्री उमेश पटेल जइसे जिम्मेदार मंत्री गे रिहिस।

पूरा सम्मान ले राज्यपाल जी ले बात करे गिस। संवैधानिक स्थिति ल स्पष्ट करे गिस। एमा रमन सिंह ल काबर तकलीफ होवत हे। भाजपा ल काबर तकलीफ होवत हे। का भाजपा ये चाहत हे कि राज्यपाल ले सरकार के मंत्री ह नई मिले या भाजपा ये चाहत हे कि छत्तीसगढ़ के कोनो बात राज्यपाल तक नई पहुंचाई जाये।

रमन सिंह  जइसनहे 15 वर्ष तक छत्तीसगढ़ ल चलाय हे। पूरा छत्तीसगढ़ त्रस्त हो गे रिहिस अउ भाजपा ल 15 सीट म पहुंचे ल पड़िस।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.