Home सियासत कभी चीनी कंपनी ल छत्तीसगढ़ लाय के सपना ल रमन सिंह ह...

कभी चीनी कंपनी ल छत्तीसगढ़ लाय के सपना ल रमन सिंह ह देखे रिहिस – शैलेश नितिन त्रिवेदी

199
0

जय जोहार…. प्रदेश कांग्रेस संचार विभाग के प्रमुख शैलेश नितिन त्रिवेदी ह कहिन कि चीन ले दोस्ती दिखाय के बारी आवत हे, तब भाजपा के मुख्यमंत्री मन के कोनो जवाब नई, लेकिन वे आरोप दूसर म लगावत हे। खुद रमन सिंह ह मुख्यमंत्री रहत हुये चीन के यात्रा म गिस। अपन 15 साल के कार्यकाल म सबले अधिक एमओयू कोनो देश ले करिन, त वह चीन हे।
वो हा कहिन कि रमन सिंह अपन आखिरी कार्यकाल म अपन टीम के संग चीन अउ हांगकांग गिस अऊ 11 एमओयू कर के लहुटे रिहिस। बताइस गे रिहिस कि 22000 करोड़ ले घलो अधिक के एमओयू होय हे।

लेकिन एमा ले एक घलो धरातल म नई उतरिस। वे चीनी कंपनी ल छत्तीसगढ़ लाय ल चाहत रिहिस अऊ आज ओखर पार्टी चीन ल ले के एति ओती के बात करत हे।
चीनी समान के बहिष्कार के बात करइया भाजपा ह बताये कि कुशाभाऊ ठाकरे परिसर म करोड़ों के लागत म बने भाजपा कार्यालय म कतना चीनी समान लगे हुये हे।

फर्नीचर अउ इंटीरियर के सामान ल खरीदे बर भाजपा के तत्कालीन मंत्री राजेश मूणत, हाउसिंग बोर्ड के अध्यक्ष सुभाष राव, सीएसआईडीसी के अध्यक्ष छगन मुंदड़ा, भाजपा नेता मनोज कोठारी अउ भाजपा नेता सुनील बालावी ह एक संग चीन के दौरा करे रिहिस।

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.