Friday, February 26, 2021
Home सियासत congress: रमन सिंह ह सिरिफ बड़का-बड़का बात करत हे: शैलेश नितिन त्रिवेदी

congress: रमन सिंह ह सिरिफ बड़का-बड़का बात करत हे: शैलेश नितिन त्रिवेदी

जय जोहार…. प्रदेश कांग्रेस (congress) संचार विभाग के अध्यक्ष शैलेश नितिन त्रिवेदी ह कहिन कि रमन सिंह ह सिरिफ बड़का-बड़का बात करत हे। रमन सिंह ह अपन 15 साल के कार्यकाल म 18255 करोड़ रुपया खर्चा करे हे। एखर ले सिंचाई क्षमता ह सिरिफ 16 हजार हेक्टेयर बाढ़ पाए हे।


प्रदेश कांग्रेस (congress) संचार विभाग के अध्यक्ष श्री त्रिवेदी ह किहिन कि 15 साल म इफ्रास्ट्रक्टर डेवलपमेंट के नाम म रायपुर-बिलासपुर रोड ह आज तक अधूरा हे। रायपुर-जगदलपुर नेशनल हाईवे के जेन दुर्दशा रमन सिंह सरकार म होइस, आज 15 साल पहिले एखर ले बड़ अकन बेहतर स्थिति रिहिन। 11 नेशनल हाईवे रायपुर-बिलासपुर अधूरा, बिलासपुर-सरगुजा अधूरा, रायगढ़ जशपुर के दुर्दशा ल सबो जानत हे।


प्रदेश कांग्रेस (congress) संचार विभाग के अध्यक्ष श्री त्रिवेदी ह कहिन कि भाजपा के 15 साल के कुशासन म डीएमएफ के पैसा हितग्राही मन के बजाय, गांव वाला के बजाय कमीशन खोरी सती निर्माण कार्य म खर्चा कर के आम लोग मन के जरूरत के कीम म झूठी वाहवाही लूटे वाला रमन सिंह ह अब बड़का-बड़का बात करे के कोनो नैतिक अधिकार नई रखत हे। 15 साल के कुशासन, कमीशनखोरी अऊ भ्रष्टाचार सती छत्तीसगढ़ के मतदाता मन ह भाजपा ल एखर सती 15 सीट म सीमित कर दीस।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments