रननीति तइयार करिन 8 बछर ले कम सेवा वाले सिक्छाकरमी मन

रायपुर। छत्तीसगढ़ म 8 बछर ले कम सेवा करया सिक्छाकरमी मन रविवार के एक बइठक कर अपन मांग मन बर रननीति बनाइस। आशीरवाद भवन म होय बइठक म सैकड़ों सिक्छाकरमी मन सामिल होइन । ये सिक्छाकरमी मन ह सरकार ले अपन मांग मन ल मनवाय बर रननीति तइयार करिन।
बइठक म वेतन, ट्रांसफर अउ अनुकंपा जइसी अन्य सुविधा मन ल लेके विस्तार ले चरचा होइस। सिक्छाकरमी मन कहिन के अपन मांग मन ल लेके सरकार ल कुछु वक्त देय जात हे। येखर बाद भी मांग मन नइ माने गिस त एक बड़ आंदोलन होही। बतादन के एक लाख तीन हजार ले जादा सिक्छाकरमी मन बिभाग म संविलियन होगे हे। उहें लगभग 30 हजार सिक्छाकरमी मन जेखर सेवा 8 बछर पूरा नइ होय के कारन संविलियन रूके हे।