Home हमर खबर हर्ष अऊ उल्लास ले मनिस दशहरा के तिहार.. मुख्यमंत्री अऊ राज्यपाल घलो...

हर्ष अऊ उल्लास ले मनिस दशहरा के तिहार.. मुख्यमंत्री अऊ राज्यपाल घलो होईन शामिल

18
0

रायपुर। रायपुर के डब्लूआरएस कॉलोनी म दशहरा के परब ला बड़ धूम-धाम ले मनाए गिस। ए दरी हजारों के संख्या म लोगन मन मउजूद रिहिन। ए बेरा म हमर राज के मुखिया भूपेश बघेल अऊ राज्यपाल अनुसुइया उइके घलो शामिल होइन। आसमान म जोरदार आतिशबाज़ी ह आकर्षण के केन्द्र रिहिस। रावण जलाए के पहिली राम लीला के मंचन करे गे रिहिन। ओखर बाद मुख्यमंत्री भूपेश बघेल हा धनुष ले तीर छोड़ के रावण के वध करिन।

मुख्यमंत्री ए बेरा म मंच ले प्रदेसवासी मन ला विजयदशमी के बधाई घलो दिन। ओमन कहिन कि ए परब ह एखर सती महत्वपूर्ण हाबे काबर कि भगवान राम हा रावण ले विजय पाए रहिस। भगवान राम ह छत्तीसगढ़ के भांचा आए संगे-संग ओमन ह अपन 12 साल वनवास के 10 साल ला छत्तीसगढ़ मा काटे रहिन।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.