जय जोहार। (chhattisgarh) मुख्यमंत्री भूपेश बघेल के अध्यक्षता म आज ओखर निवास कार्यालय म आयोजित कार्यक्रम म केन्द्रीय विद्युत अनुसंधान संस्थान, बैंगलुरू अउ छत्तीसगढ़ शासन के मध्य नवा रायपुर म विद्युत उपकरण के टेस्टिंग बर राष्ट्रीय स्तर के प्रयोगशाला अउ परीक्षण केन्द्र के स्थापना बर एमओयू म हस्ताक्षर करे गीन । छत्तीसगढ़ ऊर्जा विभाग के सचिव अंकित आनंद अउ सीपीआरआई के एडिशनल डायरेक्टर बी.ए. सावले ह एमओयू म हस्ताक्षर करीन । मुख्यमंत्री ह ए अवसर म उर्जा विभाग अउ केन्द्रीय विद्युत अनुसंधान संस्थान ल बधाई दीन ।
(chhattisgarh ) नवा रायपुर म केन्द्रीय विद्युत अनुसंधान संस्थान, बैंगलोर डहार ले स्थापित करे जवइया क्षेत्रीय टेस्ट प्रयोगशाला मध्य भारत के सबले वृहद प्रयोगशाला होही , जेमा ट्रांसफार्मर, रूटिन टेस्ट, मीटर टेस्टिंग, ऑयल टेस्टिंग अउ सबो विद्युत उपकरण के रूटिन टेस्ट के सुविधा होही , वर्तमान म विद्युत उपकरण के टेस्टिंग बर भोपाल भेजे जात हे । छत्तीसगढ़ म ये सुविधा उपलब्ध होय ले बेरा अउ राजस्व म बचत होही ।
ए प्रयोगशाला म विद्युत कंपनी ल टेस्टिंग म 20 प्रतिशत के रियायत दे जाही । प्रयोगशाला के अंतर्गत ट्रेनिंग सेंटर के घलो स्थापना करे जाही , जेमा विद्युत कम्पनी अउ निजी संस्थान के कर्मचारी मन के तकनीकी दक्षता म वृद्धि होही । (chhattisgarh ) प्रयोगशाला के स्थापना के कार्य ल 20 करोड़ 70 लाख रुपिया के लागत ले 36 माह म पूरा करे जाही ।
