जय जोहार। छत्तीसगढ़ (chhattisgarh) म शोध काम करत शोधार्थी अउ वैज्ञानिक ल अब अंतर्राष्ट्रीय चांवल अनुसंधान मनीला फिलीपिंस म अनुसंधान अउ शोध करे के सुविधा घलो मिलही। ए संबंध म छत्तीसगढ़ सरकार, इंदिरागांधी कृषि विश्वविद्यालय अउ मनीला के अंतर्राष्ट्रीय चांवल अनुसंधान संस्थान म समझौता होए हे ।
एखर तहत ए संबंध म छत्तीसगढ़ सासन, इंदिरा गांधी कृषि विश्वविद्यालय, रायपुर अउ अंतर्राष्ट्रीय चावल अनुसंधान संस्थान, मनीला के बीच एक ठीन त्रिपक्षीय आसय पत्र म हस्ताक्षर करे गेहे । उल्लेखनीय हे कि कृषि उत्पादन आयुक्त डॉ. कमलप्रीत सिंह ह पिछले दिन फिलीपिंस के मनीला स्थित अंतर्राष्ट्रीय चांवल अनुसंधान केन्द्र के भ्रमण म रिहीन । ए अवसर म ये समझौता करे गीन ।
डॉ. कमलप्रीत ह उंहा स्पीड ब्रीडिंग कार्यक्रम के जायजा लीन । डॉ. कमलप्रीत ह अनुसंधान संस्थान म विकसित करे जावत धान के नवा किस्म अउ अनुसंधान के बारे म वैज्ञानिक ले चर्चा करीन अउ आधुनिक तकनीक के जानकारी लीन । कृषि उत्पादन आयुक्त के नेतृत्व म छत्तीसगढ़ सरकार के कृषि विभाग के टीम ह मनीला के वैज्ञानिक ल छत्तीसगढ़ सरकार के किसान हितैषी नीति अउ कार्यक्रम के संग ही नरवा, गरूवा, घुरवा, बाड़ी कार्यकम अउ गोधन न्याय योजना के विस्तार ले जानकारी दीन ।
