छत्तीसगढ़ म अनुसूचित जाति ला जनसंख्या के आधार म मिलही आरक्षण, मुख्यमंत्री भूपेश बघेल के घोषणा

रायपर। छत्तीसगढ़ म अनुसूचित जाति के लोगन ला अब जनसंख्या के आधार म आरक्षण दिए जाही।

सीएम भूपेश बघेल हा मिनीमाता के पुण्यतिथि के मौका म ये घोषणा करिन। राज्य म अनुसूचित जाति के लोगन ला अभी 12 फीसदी आरक्षण दिए जावत हे।

सीएम के घोषणा के बाद आरक्षण के प्रतिशत बढ़े के संभावना हे। एकर पहिली भाजपा सरकार म एससी वर्ग के आरक्षण 16 ले घटाके 12 फीसदी कर दे गे रिहिस।

एकर बाद ले ही एससी वर्ग के लोगन मन लगातार आरक्षण के प्रतिशत बढ़ाए के मांग करत रिहिन।

मिनीमाता के पुण्यतिथि के कार्यक्रम के दौरान भी समाज के लोगन मन हा सीएम ले आरक्षण के प्रतिशत बढ़ाए के मांग करे रिहिन।