रायपुर। भाजपा के वरिष्ठ सांसद रमेश बैस के ये दिन म पार्टी म पूछ परख कम हो गेहे। ओखर बाद भी वो चुपचाप रहिथे। लेकिन मउवका म पार्टी म होवत अपन के उपेक्षा ल ले के सार्वजनिक रूप ले नाराजगी दिखाय ल नइ चूकय। अइसने एक मउवका खरोरा म लगिस। इहां आयोजित माटीपुत्र सम्मान कार्यक्रम म उमन ह अपन उपेक्षा ल लेके भाजपा सरकार अउ पार्टी उपर कुछु ये तरह ले हमला बोलिस। सांसद रमेश बैस ह कहिन के छत्तीसगढ़ के द्रौपती के तरह ले चीरहरन होवत हे, अउ हमन चुपचाप देखत हन, आघू कहिन के पराक्रम नइ परिक्रमा चाही, अउ येमा छत्तीसगढ़ीया मन पीछू हे। समारोह ल तिलक राम देवांगन, चंद्रशेखर शुक्ला अउ अनीता शर्मा ह घलो संबोधित करिन।
दरअसल रायपुर से लगे खरोरा म संचालित समाजसेवी संस्था ‘प्रयास’ के ओर ले माटी पुत्र सम्मान समारोह के आयोजन करे गिस। किया गया। जेमा समाज के कई अलग-अलग क्षेत्र के विभूती मन के शाल-श्रीफल ले सम्मान ककरे गिस। सांसद रमेश बैस ह कार्यक्रम के मुख्य अतिथि रिहिस हे अउ पूर्व राज्यमंत्री तिलकराम देवांगन ह
अध्यक्षता करिन।
अनीता शर्मा अउ चंद्रशेखर शुक्ला के विशेस आतिथ्य म होय ये गरिमामय समारोह म ग्राम कनकी के सहीद जुगल किशोर वर्मा ल मरनोपरांत सम्मानित करे गिस। उहें संस्कृत म पीएचडी करइया
व्यास नारायण आर्य, सेवानिवृत्त आईएएस गणेश शंकर मिश्रा, 12 वीं के मेरिट लिस्ट में आय छात्र ऋषभ कुर्रे, दानदाता सेवानिवृत्त सिक्छिका गुणवंती बघेल, खरोरा के आईएएस रितेश अग्रवाल अउ सिक्छा के क्षेत्र म उत्कृस्ट कार्य करइया शिक्षक दिनेश वर्मा ल शाल, श्रीफल अउ प्रतीक चिन्ह देके सम्मान करे गिस।
