Thursday, October 1, 2020
Home ब्रेकिंग न्यूज Chhattisgarh म आज ले सुरू हो गे हर्ड इम्युनिटी बर सीरो सर्वे,...

Chhattisgarh म आज ले सुरू हो गे हर्ड इम्युनिटी बर सीरो सर्वे, पढो पूरा खबर

जय जोहार…. छत्तीसगढ़ (Chhattisgarh) म आज ले हर्ड इम्युनिटी बर सीरो सर्वे सुरू हो गे हे। भारतीय चिकित्सा अनुसंधान परिषद (आईसीएमआर) दू दिन तक रायपुर समेत छ्त्तीसगढ़ के 10 जिला म ऐ सर्वे करही।


भारतीय चिकित्सा अनुसंधान परिषद के संग स्वास्थ्य विभाग के टीम घलो जांच करही। रैंडम सैंपलिंग के जरिये राज्य म हर्ड इम्युनिटी के पता लगाए जाही। मिले जानकारी के अनुसार केंद्र के बाद राज्य सरकार ह घलो हर्ड इम्युनिटी सर्वे करवाही।


इंडियन काउंसलिंग फार मेडिकल रिसर्च के नेतृत्व म ओडिशा अऊ छत्तीसगढ़ (Chhattisgarh) के स्वास्थ्य विभाग के तरफ ले सीरो सर्विलेंस कराए जावत हे। रायपुर जिला के दू ब्लाक रायपुर अऊ तिल्दा म लोगन मन के खून के सैम्पल लिए जाही। 16 ले 18 सितम्बर तक सैम्पल लिए जाही।


बाकी 9 जिला म 20 सितंबर ले सैंपल लिए जाही। हर जिला ले 500 सैम्पल लिए जाही। जेमा हाई रिस्क ग्रुप जैस कम प्रतिरोधक क्षमता वाला, कुल 260 सैंपल लिए जाही अऊ जिला के चयनित 6 क्लस्टर ले 240 सैंपल कलेक्ट करे जाही। हर्ड इम्युनिटी बर राज्य (Chhattisgarh) के रायपुर, बिलासपुर, जशपुर, बलरामपुर, कोरबा, दुर्ग, राजनांदगांव, मुंगेली, बलौदाबाजार अऊ जांजगीर-चांपा जिला ले सैंपल लिए जाही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments