chhattisgarh : गांधी जयंती ले प्रदेस के सबो जिला अस्पतालों म सिकल सेल प्रबंधन केंद्र के होही सुरुवात

जय जोहार । (chhattisgarh) स्वास्थ्य अउ परिवार कल्याण मंत्री टीएस सिंहदेव ह किहीन कि राज्य म सिकलसेल के जांच अउ उपचार के सुविधा सबो जिला अस्पताल म 2 अक्टूबर ले सुरुवात होही । वोहा किहीन कि अवइया माह ले मनखे मन ल सस्ता दर म पैथोलॉजी लैब के सुविधा उपलब्ध कराय बर सबो हमर लैब के आस-पास के क्षेत्र ले सैंपल एकत्र करे जाही। जेखर ले मनखे मन ल निकट के स्वास्थ्य केंद्र म पैथोलॉजी के सुविधा मिल सके। श्री सिंहदेव ह आज इंहा स्वास्थ्य विभाग के काम के समीक्षा करत रिहीन ।

स्वास्थ्य मंत्री श्री सिंहदेव ह बइठक म स्वास्थ्य अधिकारी ले सिकलसेल प्रबंधन केंद्र के संबंध म करे जावत आवश्यक तैयारी के जानकारी लीन अउ आवश्यक निर्देस देहे । वोहा स्वास्थ्य अधिकारी ले मुख्यमंत्री हाट बाजार क्लिनिक योजना, वेलनेस सेंटर, बायो मेडिकल वेस्ट प्रबंधन समेत कई ठीन स्वास्थ्य कार्यक्रम के समीक्षा करीन ।

स्वास्थ्य मंत्री ह बइठक म कोविड वैक्सीनेशन म उल्लेखनीय योगदान बर बीजापुर जिला के उसूर सामुदायिक स्वास्थ्य केंद्र के स्वास्थ्य अधिकारी ज्योति सिदार, नागमणी चिलमुल अउ रमेश गड्डेम ल प्रशस्ति पत्र अउ शाल भेंट कर सम्मानित करीन ।

बइठक म स्वास्थ्य विभाग के सचिव प्रसन्ना आर., स्वास्थ्य सेवा के संचालक भीम सिंह, राष्ट्रीय स्वास्थ्य मिशन के संचालक भोसकर विलास संदीपन, संचालक महामारी नियंत्रण डॉ. सुभाष मिश्रा समेत सबो जिला के मुख्य चिकित्सा अउ स्वास्थ्य अधिकारी घलो मौजूद रिहीन ।