Home ब्रेकिंग न्यूज 6 बछर बाद पुलिस ल मिलिस बड़े सफलता.. सिमी के फ़रार सदस्य...

6 बछर बाद पुलिस ल मिलिस बड़े सफलता.. सिमी के फ़रार सदस्य हैदराबाद म दबोचाईस

61
0

रायपुर। राजधानी पुलिस ल 6 बछर बाद बड़े सफलता मिले हे। 2013 ले फ़रार प्रतिबंधित संगठन सिमी के सदस्य अज़हररुद्दीन उर्फ़ अज़हर ल हैदराबाद म गिरफ़्तार करे गे हे। सिविल लाइन अऊ एटीएस के संयुक्त टीम ह हैदराबाद रवाना होए रिहीन। जिहां अज़हर ल धर के रायपुर लाए गे हे। ए मामला म पुलिस ह आज खुलासा करहि।

बताए जात हे कि 2013 म पुलिस ह सिमी गिरोह के भांडाफोड़े रहिस तेकर बाद ले अज़हर फ़रार रिहिस। अज़हर ह दुबई म राहत रिहिस अऊ बीच-बीच म अपन परिवार ल मिले बर हैदराबाद आत-जात रिहिस। जेकर सूचना पुलिस ल मिले के बाद योजना बद्ध तरीक़ा ले पुलिस टीम हैदराबाद रवाना होइस। जिहां पुलिस ह ओला धर दबोचिस।

ए मामला म पुलिस ह पहिली 16 झन के गिरफ़्तारी करे हे। ओखर मन उपर आरोप हे कि ओमन प्रतिबंधित संगठन सिमी के दूसर सदस्य मन ल मदद करे हे। फ़िलहाल पुलिस ह अज़हररुद्दीन ले पूछताछ करत हे। अतेक दिन ले फ़रार सिमी सदस्य अज़हररुद्दीन ह ओखर संपर्क म रिहिस हे। पुलिस ल ए पूछताछ म अऊ जानकारी मिल सकते थे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.