रायपुर। आज धरसींवा विधानसभा क्षेत्र के ग्राम निलजा म किसान मन खेत म बइठ के रेडियो म प्रसारित मुख्यमंत्री भूपेश बघेल के कार्यक्रम लोकवानी ला सुनिन। खेती अउ ग्रामीण विकास के विषय म मुख्यमंत्री के पहिली प्रसारित कार्यक्रम ला किसान मन ला सुनाए बर युवा कांग्रेस प्रदेश अध्यक्ष पूर्णचंद कोको पाढ़ी हा युवा कांग्रेस कार्यकर्ता मन ला निर्देश दे रिहिन।
युवा कांग्रेस के विधानसभा अध्यक्ष अंकित वर्मा हा आज धरसींवा विधानसभा क्षेत्र के ग्राम निलजा म खेत म काम करत किसान-मजदूर मन ला मुख्यमंत्री के प्रसारण रेडियो प्रसारण ला सुनाईन। किसान मन मुख्यमंत्री भूपेश बघेल के ए पहल के तारीफ करिन अउ छत्तीसगढ़ी भाखा म मुख्यमंत्री ला सुनके खुश होईन।
मुख्यमंत्री हा नरवा गरुवा घुरुवा बारी योजना ला विस्तार ले आमजन ला बताईन। वर्मी खाद अउ जैविक खाद ला प्राथमिकता दिए के अपील किसान मन ले करिन। किसान मन ला आसानी ले खाद उपलब्ध हो सके, एकर बर हर गांव म गौठान के माध्यम से गोबर खाद तैयार करके उपलब्ध कराए के जानकारी दीन।
हर ग्राम पंचायत म गौठान के सुविधा होए ले हजारों एकड़ जमीन के सुरक्षा घेरा म अवइया खर्चा ला बचाए बर 5 एकड़ म गौठान निर्माण के योजना लाए के बात किहिन। किसान मन मुख्यमंत्री के आभार जताईन।
प्रतिवर्ष 2500 रुपए म क्विंटल धान खरीदी बर घलो आभार व्यक्त करिन। ये दौरान युकां अध्यक्ष अंकित वर्मा, वरिष्ठ कांग्रेस नेता घनश्याम वर्मा, पूर्व उपसरपंच शेखर वर्मा, प्यारेलाल वर्मा, सुरेश वर्मा, सुनील वर्मा, रामेश्वर निर्मलकर, फिरन साहू, राकेश साहू, निर्मला धीवर, उषा वर्मा मौजूद रिहिन।
No Comment! Be the first one.