जय जोहार…. नक्सल क्षेत्र के ग्राम के हाल जाने बर गरियाबन्द पुलिस अधीक्षक भोजराम पटेल ह बरसत पानी म दौरा करे हे।
एसपी पटेल ह क्षेत्र के थाना मैनपुर, जुगाड़, शोभा, इंदागांव के निरीक्षण करिन। ए दौरान सुरक्षा इंतजाम ल दुरूस्त करे बर थाना प्रभारी मन ल निर्देश दे हे। एखर बाद गरियाबन्द (gariaband) एसपी पटेल ह सब्बो थाना क्षेत्र के सरपंच अउ सम्मानीय व्यक्ति मन के बइठक ले हे।
जेमा ओखर समस्या ल सुने हे अउ ओखर संगेसंग ओला अपन गांव म जनता बर कइसे विकास करे ल चाही। ओखर जानकारी ल दिस। ए दौरान लईका अउ महिला मन ल आत्मनिर्भर बने बर जइसे सिलाई, कढ़ाई, बुनाई के प्रशिक्षण दे बर बालिका अउ महिला मन के सूची ल मांगे हे।
एखर आलावा जेन लईका दसवीं, बारहवीं या स्नातक तक पढ़ई कर चुके हे, ओला आगू का पढ़ई करे ल हे अउ कइसे करे ल हे, ओखर जानकारी घलो दे हे।
ए अवसर म गरियाबन्द (gariaband) एसपी पटेल ह सब्बो गांव के सरपंच मन ल श्रीफल ले सम्मानित करिन।
No Comment! Be the first one.