वेरायपुर। मुख्यमंत्री डॉ. रमन सिंह के विकास यात्रा ल रोक लगाए ले हाई कोरट ह इंकार कर दिस हे। ज्ञात होही कि कांग्रेस के तरफ ले हाई कोरट म एक याचिका लगाए गे रहिन हे, जेमा सरकारी पइसा के दुरुपयोग, सरकारी कारयक्रम के भाजपाईकरण समेत कई ठन आरोप लगाये गे रहिन ह। कोरट ह कांग्रेस के ओर ले विकास यात्रा ल रोके बर लगाए गे याचिका ल अंतरिम राहत के लायक नइ मानिस। जेखर सेती छुट्टी मन के 18 जून ले डीबी ह येखर सुनवाई कर सकत हे।
करीब एक डेढ़ घंटे तक चले बहस के बाद वेकेशन बेंच ह स्टे के लायक प्रकरण ना पात हुए येला नियमित सुनवाई बर भेज हे। कोरच के रुख ले ये साफ हो गे कि रमन सरकार केविकास यात्रा ल लेके फिलहाल कोनो कानूनी अड़चन नइए।
रायपुर निवासी अजित हेडगेवार ह अपन जनहित याचिका म कहे रहिन हे कि, रमन सरकार के ये विकास यात्रा सरकारी विकास यात्रा प्रतीत होवत हे जेखर भाजपाईकरण कर दे गेहे। विकास यात्रा म सरकारी करमचारी मन ल लगाए गे हे अउ बैनर-पोस्टर म भाजपा के चिन्ह घलो छापे गे हे। याचिकाकरता ह अपन याचिका म मांग करे रिहन हे कि समर वेकेशन म ही वेकेशन जज ह ये मामला म सुनवाई करय अउ यात्रा म तत्काल रोक लगाके उमन ल अंतरिम राहत मिलय। आप मन ल बता दन कि मुख्यमंत्री रमन सिंह 12 मई ले विकास यात्रा म निकले हुए हे।
