जय जोहार…. (Chhattisgarh) ए साल ले कोदो अऊ कुटकी के घलो न्यूनतम समर्थन मूल्य घोसित करे जाही। ये घोसना ल सीएम भूपेश बघेल ह बीजापुर म आयोजित आमसभा म करे हे। वो हा बीजापुर जिला म कुटरू अऊ गंगालूर ल तहसील बनाय के घोसना करिन।
ए अवसर पर (Chhattisgarh) सीएम बघेल ह कहिन कि बस्तर संभाग के विकास कार्य बर कोनो कमी नई होय ल दे जाही। बस्तर के संस्कृति, सभ्यता अऊ इहां के लोगन मन के विकास के संगेसंग शिक्षा, स्वास्थ्य अऊ खेलकूद ल बढावा दे के कार्य ल सर्वोच्च प्राथमिकता ले करे जाही। वो हा कहिन कि बस्तर म प्रतिभा के कमी नई हे, सिरिफ अवसर दे के आवश्यकता हे।
ए अवसर म (Chhattisgarh) राजस्व मंत्री अऊ बीजापुर जिले के प्रभारी मंत्री जयसिंह अग्रवाल, उद्योग मंत्री कवासी लखमा, सासंद बस्तर दीपक बैज, विधायक बीजापुर विक्रम शाह मण्डावी ह आमसभा ल संबोधित करिन। ए अवसर म बस्तर विकास प्राधिकरण के उपाध्यक्ष संतराम नेताम, जिला पंचायत अध्यक्ष शंकर कुड़ियम, बस्तर कमिश्नर जी.आर. चुरेन्द्र, आईजी पी.सुन्दरराज, कलेक्टर रितेश कुमार अग्रवाल, पुलिस अधीक्षक कमलोचन कश्यप ह उपस्थित रिहिन।
No Comment! Be the first one.