Dhamtari: उड़ेना म शिक्षक मनोज साहू ह वालिंटियर मन ल करत हे प्रशिक्षित, पढो पूरा खबर

जय जोहार…. धमतरी (Dhamtari) जिला के कुरुद ब्लाक के ग्राम उड़ेना म वर्तमान समय म स्कूल ह पूरा बन्द हे। ए दौरान लईका मन ल पढ़ई ले जोड़े रखे बर सीख कार्यक्रम सप्ताह म सोमवार, बुधवार, शुक्रवार अऊ बाकी दिन म मोहल्ला कक्षा के संचालन करे जावत हे। जेमा ग्रामवासी, पंचायत प्रतिनिधि, शाला समिति अऊ वालिंटियर मन के मदद ले लईका मन ल गुणवत्ता युक्त शिक्षा प्रदान करे जावत हे।

(Dhamtari) ए गतिविधि के सफल संचालन बर संस्था के प्रधानपाठक मनोज कुमार साहू के तरफ ले सबो स्वयं सेवक संगी मन ल प्रशिक्षित करे जावत हे। रविकार के गांव म मोहल्ला क्लास के छुट्टी रहत हे। ये छुट्टी के दिन म वालिंटियर शिक्षक मन ल प्रशिक्षण दे जावत हे। ए दौरान ओखर मन के शिक्षण के दौरान आवत सबो समस्या के समाधान करे के प्रयास करे जावत हे।

ए दौरान शिक्षण ल रोचक बनाय बर कई गतिविधि ल सिखाय गे हे, (Dhamtari) जइसे खेल-खेल म शिक्षा, समूह शिक्षा, लईका के स्तर के जांच के तरीका, पहचान, शब्द पहचान, कहानी के भाषा शिक्षण म उपयोगिता, चित्र म चर्चा, माइंड मैप, पत्ता पलट, अंताक्षरी ले शब्द निर्माण ल बताय गे हे।

ए दौरान वालिंटियर सरिता साहू, रीना कंवर, कला जांगड़े, चुमेश्वरी बघेल, सरिता चंद्राकर, युगेश्वरी ध्रुव, सरस्वती कंवर, वाणी साहू, डोमेश्वरी ध्रुव, खुशी गोस्वामी, भुनेश्वरी मानिकपुरी,यमुना साहू, उर्वशी साहू के तरफ ले लईका मन ल मुफ्त शिक्षण प्रदान करे जावत हे।