जय जोहार। सीएम भूपेश बघेल (CM Bhupesh Baghel) ह अपन प्रदेसव्यापी भेंट-मुलाकात कार्यक्रम के दउरान महासमुंद जिला के सरायपाली विधासनसभा क्षेत्र के दउरा म हे । मुख्यमंत्री भूपेश बघेल ह काली सरायपाली के ग्राम बलौदा अउ बसना के ग्राम भंवरपुर म आम जनता ले भेंट मुलाकात करीन अउ राज्य सासन के योजना के क्रियान्वयन के जानकारी लीन ।
ए दउरान मुख्यमंत्री भूपेश बघेल ह सरायपाली विधानसभा क्षेत्र म 28 करोड़ 65 लाख 05 हजार रुपिया के विकास काम के लोकार्पण अउ भूमिपूजन करीन । एमा 23 करोड़ 62 लाख 94 हजार रुपिया के 29 ठीन काम के भूमिपूजन अउ 5 करोड़ दो लाख 11 हजार रुपिया के 15 ठीन काम के लोकार्पण सामिल हे ।
भूमिपूजन म नवा सड़क निर्माण, पुल-पुलिया, नवा विश्राम गृह निर्माण अउ महाविद्यालय म अतिरिक्त कक्ष निर्माण आदि काम सामिल हे । उहें लोकार्पण काम म स्कूल म आहता निर्माण, रंगमंच निर्माण, सी.सी. रोड, सामुदायिक भवन, तालाब म पचरी निर्माण, सामुदायिक भवन निर्माण आदि सामिल हे ।
No Comment! Be the first one.