Godhan Nyay Yojana : सीएम ह काली हितग्राही ल करही 8 करोड़ 63 लाख रुपिया के भुगतान, पढ़व

जय जोहार । सीएम भूपेश बघेल ह सोमवार के मुख्यमंत्री निवास कार्यालय म गोधन न्याय योजना के रासि अंतरण बर आयोजित वर्चुअल कार्यक्रम के माध्यम ले पशुपालक ग्रामीण, गौठान ले जुड़े महिला समूह अउ गौठान समिति ल 8 करोड़ 63 लाख रुपिया के रासि ऑनलाइन जारी करही, जेमा 1 फरवरी ले 15 फरवरी तक गौठान म पशुपालक ग्रामीण, किसान, भूमिहीन ले ख़रीदे 2.38 लाख क्विंटल गोबर के एवज म 4 करोड़ 76 लाख रुपिया , गौठान समिति ल 2.28 करोड़ रुपिया अउ महिला समूह ल 1.59 करोड़ रूपया के लाभांस रासि सामिल हे ।

गौरतलब हे कि गोधन न्याय योजना के तहत राज्य म हितग्राही ल 403 करोड़ 58 लाख रुपिया के भुगतान करे जा चुके हे । 20 फरवरी के 8.63 करोड़ के भुगतान के बाद ये आंकड़ा 412 करोड़ 21 लाख रुपिया हो जाही। छत्तीसगढ़ राज्य म 20 जुलाई 2020 ले गोधन न्याय योजना के तहत 2 रुपिया किलो म गोबर के खरीदी करे जावत हे ।

राज्य म 15 फरवरी 2023 तक गौठान म 105.63 लाख क्विंटल गोबर के खरीदी करे गेहे। गोबर विक्रेता ले 31 जनवरी तक क्रय करे गे गोबर के एवज म 206 करोड़ 49 लाख रुपिया के भुगतान ल करे जा चुके हे । 20 फरवरी के गोबर विक्रेता ल 4.76 करोड़ रुपिया के भुगतान के बाद ये आंकड़ा 211 करोड़ 25 लाख रुपिया हो जाही । गौठान समिति अउ महिला स्व-सहायता समूह ल 179 करोड़ 11 लाख रुपिया के भुगतान करे जा चुके हे । गौठान समिति अउ स्व-सहायता समूह ल 20 फरवरी के 3.87 करोड़ रुपिया के भुगतान के बाद ये आंकड़ा बढ़के 182.98 करोड़ रुपिया हो जाही।