नवनीत शुक्ला / मुंगेली। जिला कलेक्टर डी सिंग हर जिला अस्पताल के लगातार मिलत शिकायत ले गुसिया के उहा फेर बदल करिस। जेमा डॉक्टर माँझी ला आगामी आदेश तक सिविल सर्जन सह मुख्य अस्पताल अधीक्षक अउ जिला चिकित्सा अधिकारी डॉक्टर जी बी सिंग ल आवासीय चिकित्सा अधिकारी बनाइस । ये हर लम्बा समय ले होत रहिस लापरवाही ला देखत हुए करे गिस । वर्तमान म कलेक्टर हर संजीवनी एक्सप्रेस , महतारी एक्सप्रेस 108 के काम ले भी गुसियाये रहिस। 24 घंटा म सबो वाहन ल सुधरे के आदेश देत हुए अपन जगह म तैनात रहे बर कहिस। आज के बैठक म सीएमएचओ , डी एचओ सहित जम्मो चिकित्सक मन रहिन ।
