जीएसटी रिटर्न भरे म सबले फिसड्डी साबित होइस कवर्धा

कवर्धा। जिला ह जीएसटी रिटर्न भरे म सबले फिसड्डी साबित होय हे। पूरा प्रदेस म कवर्धा नीचे ले तीसरा जगा म हे। देश म जीएसटी लागू होय एक बछर ले जादा समय बीत चुके हे, लेकिन कवर्धा म व्यापारी मन ह जीएसटी रिटर्न भरे म कोनो रूचि नइ लेवत हे। तीन हजार ले जादा व्यापारी मन ह जीएसटी पंजीयन त करे ले हे, मगर आधा ले घलो कम मन ह जीएसटी रिटर्न दाखिल करहे । ये मन म 346 लोग न ह त 6 महीना ले एक लाइन एंट्री नइ करेहे। अइसे म व्यापारी मन के पंजीयन निरस्त करे गेहे। येती व्यापारी मन के कहिना हे के कुछु चीज मन म जीएसटी काफी पेचीदा हे। यो कर सेती जीएसटी भरे म कोनो रुति नइ लेवक हे।