chhattisgarh : मुख्यमंत्री भूपेश बघेल के भेंट-मुलाकात अभियान के दुसरइया चरण आज ले होही सुरू, आम मनखे ले होही रूबरू

जय जोहार। (chhattisgarh) मुख्यमंत्री भूपेश बघेल के भेंट-मुलाकात अभियान के दुसरइया चरण 18 मई ले सुरु होही, जेन 2 जून तक चलही। भेंट-मुलाकात के दुसरइया चरण के सुरुवात कोंटा विधानसभा ले होही । भेंट-मुलाकात अभियान के दउरान मुख्यमंत्री आम मनखे ले सीधा रूबरू होही।

निर्धारित दउरा कारीकरम के अनुसार (chhattisgarh) मुख्यमंत्री ह 18 मई के रईपुर ले बिहनिया 10.30 बजे हेलीकॉप्टर ले प्रस्थान कर मंझनिया 12 बजे कोंटा पहुंचही । इहां आम मनखे ले भेंट-मुलाकात अउ सासकीय योजना अउ कारीकरम के जायजा लेही। एखर बाद मुख्यमंत्री ह 1.40 बजे कोंटा विधानसभा क्षेत्र के छिन्दगढ़ पहुंचही अउ मनखे मन ले भेंट-मुलाकात करे के बाद 3.30 बजे सुकमा पहुंचही ।

(chhattisgarh) मुख्यमंत्री ह सुकमा म पुलिस लाईन स्थित आफिसर्स मेस के लोकार्पण, शहीद पार्क म गांधी जी की प्रतिमा के अनावरण अउ सी-मार्ट के उद्घाटन करही। मुख्यमंत्री ह संझा 5.20 बजे ले 7.20 बजे तक सुकमा म आने आने प्रतिनिधिमंडल ले भेंट-मुलाकात करही। एखर बाद राजीव भवन के अवलोकन अउ जनप्रतिनिधि ले भेंट-मुलाकात करही ।

गौरतलब हे कि मुख्यमंत्री भूपेश बघेल ह प्रदेस के सबो 90 विधानसभा क्षेत्र म भेंट-मुलाकात अभियान के सुरुवात करे हे । भेंट-मुलाकात अभियान के पहला चरण म मुख्यमंत्री ह 4 से 11 मई तक सरगुजा अंचल के विधानसभा क्षेत्र के दउरा करे रिहीन । ए दउरान वो हा तीन ठीन जिला के आठ विधानसभा म मनखे के बीच पहुंचके सासकीय योजना के क्रियान्वयन अउ मनखे ल मिलत लाभ के बारे म जानकारी ले रिहीन।