राज्य सरकार ह विभागीय खर्च ल करिन कम, अब अतका प्रतिशत ही कर पाही खर्च

जय जोहार…. राज्य सरकार ह विभागीय खर्च ल कम कर दे हे। अब विभाग मन ह जारी बजट के पूरा पांच साल म 100 प्रतिशत के जगह 70 प्रतिशत ही बजट खर्च ल कर सकही। ऊहचे विभाग मन ल वित्तीय साल 2020-21 बर आबंटित बजट ल साल के चार तिमाही म खर्च करे के पूर्व तय सीमा म घलो संसोधन करे गे हे।  छत्तीसगढ़ शासन के तरफ ले कोविड-19 अऊ सामान्य आर्थिक मंदी ले राज्य के राजस्व प्राप्ति म कमी ल देखत हुये विभाग मन के तरफ ले सरकारी व्यय के सीमा ल कम करे गे हे। विभाग के अपर मुख्य सचिव के तरफ ले ए आशय के परिपत्र सब्बो अपर मुख्य सचिव, प्रमुख सचिव, सचिव, अध्यक्ष राजस्व मंडल बिलासपुर अऊ सब्बो विभागाध्यक्ष ल जारी कर दे गे हे।

वित्त विभाग के ओर से जारी आदेश के अनुसार प्रथम तिमाही म व्यय सीमा 25 प्रतिशत ल संसोधित कर 10 प्रतिशत, दूसर तिमाही म व्यय सीमा 15 प्रतिशत ल संसोधित कर 10 प्रतिशत, तीसर तिमाही म व्यय सीमा 25 प्रतिशत ल संसोधित कर 20 प्रतिशत, चौथइया तिमाही म व्यय सीमा 35 प्रतिशत ल संसोधित कर 30 प्रतिशत करे गे हे।