जय जोहार…. (Chhollywood) छॉलीवुड के मेगा स्टार रजनीश झांझी बर ये साल घलो स्पेशल हे। ए साल ओखर कई बड़का बजट के फिलिम के संग सिल्वर स्क्रीन म नजर आही।
जानकारी के मुताबिक अवइया अप्रैल माह म एक्टर रजनीश झांझी के 2 ले 3 फिलिम ह सिनेमाघर म प्रदर्शित हो सकत हे। चल हट कोनो देख लेही के घलो प्रदर्शित तारीख ह 5 नवंबर 2021 के घोसना विगत दिन होय हे। एखर ले पापुलर आरजे उत्साहित हे। ये फिलिम ह डायरेक्टर सतीश जैन के हे अऊ ओखर रोल घलो ए फिलिम म खास हे।
(Chhollywood) एक्टर रजनीश झांझी के डेढ़ दर्जन ले जादा नवा फिलिम ह प्रदर्शित होय बर तैयार हे। संगेसंग 2 वेबसीरीज घलो छत्तीसगढ़ के पहले ओटीटी प्लेटफार्म एन माही फिल्मस म दर्शक मन ह देख सकही। रजनीश झांझी के अलग-अलग किरदार ल देखे बर दर्शक मन ह काफी उत्सुक रहिथे।
(Chhollywood) ए साल एक्टर रजनीश झांझी के फिलिम अतरंगी, जय भोले मया म डोले, सुन सुन मया के धुन, तहि मोर जिनगी तहि मोर जान, हाफ़ मेन्टल (हिन्दी), हँस मत गोरी फस जाईबा (भोजपुरी), इश्क़ मा हे रिस्क, करम के लेखा, मिस्टर मजनू, मै दिया तए मोर बाती, डार्लिंग प्यार झुकता नही, लव के चकल्लस(वेब सीरीज), द सेनिटाईज़र (वेब सीरीज), शोध (शार्ट फिल्म), बिधातार खेल (सम्बलपुरी), प्यार हो गईल बा(भोजपुरी), रजनी, संजू की दुल्हनिया(हिन्दी/छग), चल हट कोनो देख ले ही ह प्रदर्शित होही।
No Comment! Be the first one.