Dhamtari: आईपीएल मैच म सट्टा खेलावत तीन आरोपी मन पकड़ाईस, सट्टा-पट्टी के संग 41 हजार नगद होइस जब्त
जय जोहार…. (Dhamtari) आईपीएल मैच म सट्टा खेलावत 3 आरोपी मन ल गिरफ्तार करे म पुलिस ल सफलता मिले हे। आरोपी मन करा ले सट्टा पट्टी के संग 41 हजार रुपया नगद अऊ मोबाइल घलो जब्त करे गे हे।
मिले जानकारी के मुताबिक (Dhamtari) थाना अर्जुनी पुलिस पेट्रोलिंग टीम ह 21 अक्टूबर के देहात रवाना होय रिहिन। ए दौरान मुखबिर ले सूचना मिलिस कि ग्राम मुजगहन म डेलीनीड्स दुकान के सामने आईपीएल मैच म टीम के हार जीत म रुपया के दांव लगा के सट्टा लिख क खाईवाली करत हे।
सूचना म थाना प्रभारी अर्जुनी ह अपन स्टाफ के संग ग्राम मुजगहन म डेलीनीड्स के सामने पहुंच के चारो ओर ले घेर के कार्रवाई करिन। ए दौरान आरोपी संजय साहू, प्रदीप कुमार फाजवानी अऊ फलेश दीवान ल गिरफ्तार कर लिस। (Dhamtari) जेखर करा ले 3 मोबाइल, सट्टा पट्टी अऊ नगद 41050 रुपया जब्त करे गिस। आरोपी मन के विरुद्ध अपराध क्रमांक 425/2020 धारा 4(क) के जुआ एक्ट के तहत अपराध पंजीबद्ध करे गे हे।
