रायपुर। सीतापुर म राहुल गांधी ह मांदर के थाप पर उंगली चलाइस उहीं ठुमका लगाए म घलो पीछु नइ रहिन। अमरजीत भगत ह उंखर संग मांदर बजाइस। येखर बाद भूपेश बघेल ह गला म लटके मांदर ल बजाइस।
सरगुजा के सीतापुर पहुंचे कांग्रेस के राष्ट्रीय अध्यक्ष राहुल गाँधी ह अपन स्वागत बर आये आदिवासी कलाकार मन के संग मांदर के थाप म उंगली चलाइस अउ ठुमका लगात दिखन। गौरतलब हे कि उंखर आगमन म स्वागत के तौर म सरगुजिहा करमा के पारम्परिक प्रस्तुति आदिवासी कलाकार मन ह देक रहिन हे। तभे राहुल ह मांदर थाम लिस अउ बजाए लगिस, उंखर संग कांग्रेस नेता अमरजीत भगत घलो मांदर बजात रहिन हे।
राहुल ह कुछु देर मांदर बजाय के बाद भूपेश बघेल ल मांदर थमा दिस। बघेल ह अपन गला म लटका के मांदर ल बजाये लगिन। राहुल गाँधी के संग कांग्रेस के प्रदेश प्रभारी पीएल पुनिया,टीएस सिंहदेव घलो रहिन हे।
