करो हमर मदद, छत्तीसगढ़ के आदिवासी बेटी मन फंसे हे राजस्थान म, करत हे सरकार ले गुहार
जय जोहार रायपुर…स्किल डेवलपमेंट के जरिये सरकार के द्वारा प्रशिक्षण पाके राज्य के कई युवक युवती मन देश के कई राज्य म रोजगार करत रिहिन, ये पूरा मामला आय २०१७ के जब तात्कालिक बीजेपी सरकार के समय ये मन ल प्रशिक्षण दे गे रिहिस अऊ प्रमाण पत्र दे के विभिन्न कम्पनी म काम करे बर […]
जय जोहार रायपुर…स्किल डेवलपमेंट के जरिये सरकार के द्वारा प्रशिक्षण पाके राज्य के कई युवक युवती मन देश के कई राज्य म रोजगार करत रिहिन, ये पूरा मामला आय २०१७ के जब तात्कालिक बीजेपी सरकार के समय ये मन ल प्रशिक्षण दे गे रिहिस अऊ प्रमाण पत्र दे के विभिन्न कम्पनी म काम करे बर भेजे गे रिहिस, ये दौरान कोई एग्रीमेंट नई बनाय गिस न ही कोनो नियम राखे गिस , लॉक डाउन के पहिली तो सब ठीकठाक चलीस लेकिन लॉक डाउन के बाद युवक युवती मन के सामने रोजी रोटी के समस्या खड़े होगे,
कांकेर जिला के २८ युवती मन आज भी राजस्थान के अलवर जिला म फंसे हे ओमन विडियो के माध्यम ले भूपेश सरकार ले वापसी के गुहार लगाय हे लेकिन अभी तक सरकार ह सुध नई ले हे. बता दन कि पूरा मामला के खुलासा आज माकपा के संजय पराते ह करिस हे , ओमन ह किहिस कि कांकेर के युवती मन ऊंखर से संपर्क करके मदद के गुहार लगाइस , सब विडियो अऊ ऑडियो ल साझा करत हुए संजय पराते ह किहिस कि ये आदिवासी युवती मन ल बीजेपी सरकार ह दर्द दे रिहिस लेकिन वर्तमान कांग्रेस सरकार घलो दर्द के दवा नई बनत हे,
माकपा ह किहिस कि जल्द से जल्द सरकार ले बातचीत करके प्रदेश के दर्जनों आदिवासी युवती मन ल ऊंखर घर लाय के व्यवस्था करे जाहि अऊ एखर बर अगर आन्दोलन करना पडही त वहू करे जाहि. पराते ह आदिवासी युवती मन के मुख्यमंत्री ले गुहार करे वाला विडियो ल सब्बो मीडिया ल भेजे हे , आपो मन देखो का कहात हे आदिवासी युवती मन…
No Comment! Be the first one.