Tuesday, September 21, 2021
Home ताजा समाचार राजधानी म भरभरा के गिर गिस दो मंजिला इमारत, मच गिस हड़कंप

राजधानी म भरभरा के गिर गिस दो मंजिला इमारत, मच गिस हड़कंप

जय जोहार रायपुर। राजधानी रायपुर के खमतराई इलाका म शुक्रवार के दो मंजिला इमारत भरभरा के गिर गिस। जेखर ले हड़कंप मच गिस। जेन बखत ये बिल्डिंग गिर गिस, वो बखत रद्दा ले लोग गुजरत रहिस।

जानकारी के अनुसार ये मकान आशीष मिश्रा नाम के व्यक्ति के हे। ओ हा सुरेश केशवानी ल ये मकान किराए म दे रहिस। सुरेश केशवानी ह वर्तमान म वो बिल्डिंग म रेस्टोरेंट चलात रहिस। ए बिल्डिंग के बगल म मिलेश कोठारी ह काम्प्लेक्स बनात रहिस। एखर बर वो हा ऊहा गड्‌ढा खोदवाए रहिस। एखर चलत बिल्डिंग कमजोर हो गे रहिस। जेन बखत दो मंजिला बिल्डिंग गिरिस, ओखर अंदर म कोनो कर्मचारी मौजूद नई रहिस। हालांकि बिल्डिंग गिरे ले बगल म स्थित टाइल्स के दुकान ल काफी नुकसान पहुंचिस हे।

खमतराई थाना प्रभारी रमाकांत साहू ह कहिन कि मकान पुराना हे, खण्डहर हो चुके रहिस, मकान गिरे के वजह ले कोनो ल चोट नई आए हे। फिलहाल पूरा मामला के जांच करे जात हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments