मुख्यमंत्री ह संघ लोक सेवा आयोग के सिविल सेवा परीक्षा म सफल अभ्यर्थी ल करिन सम्मानित

रायपुर। मुख्यमंत्री डॉ. रमन सिंह संघ लोक सेवा आयोग के सिविल सेवा परीक्षा 2017 म चुने गए छत्तीसगढ़ के चार अभ्यर्थी मन ल प्रशस्ति पत्र भेंटकरके सम्मानित करिन। मुख्यमंत्री के हाथ सम्मानित होए अभ्यर्थी मन म गरियाबंद जिला के देवेश ध्रुव, सूरजपुर जिला के उमेश गुप्ता, महासमुंद जिला के योगेश पटेल अऊ रायगढ़ जिला के अजय चौधरी सामिल हे। देवेश ध्रुव ल 47वां रैंक, उमेश गुप्ता ल 179वां रैंक, योगेश पटेल ल 571वां रैंक अऊ अजय चौधरी ल 640वां रैंक मिले हे। मुख्यमंत्री ह ओ मन ल ए महत्वपूर्ण उपलब्धि बर बधाई अऊ शुभकामना दीन। ए अवसर म पंचायत अऊ ग्रामीण विकास मंत्री अजय चन्द्राकर, राज्य वित्त आयोग के अध्यक्ष चंद्रशेखर साहू , धरसींवा के विधायक अऊ पाठ्यपुस्तक निगम के अध्यक्ष देवजी भाई पटेल, आरंग के विधायक नवीन मारकण्डेय, मनोनीत विधायक बर्नाड जोसेफ रोड्रिक्स, मुख्य सचिव अजय सिंह अउ पंचायत अऊ ग्रामीण विकास विभाग के अपर मुख्य सचिव आर.पी. मंडल संग आन बहुत अकन जनप्रतिनिधि अऊ वरिष्ठ अधिकारी उपस्थित रहिन। आप मन जानतेच हव के संघ लोक सेवा आयोग के साल 2017 के सिविल सेवा परीक्षा म छत्तीसगढ़ राज्य के दस युवा मन ल सफलता मिले हे।