जय जोहार। (Raipur) नगरीय प्रसासन मंत्री डॉ. शिवकुमार डहरिया ह मंगलवार के रईपुर जिला के नगरपालिका परिसद आरंग के अंतर्गत करीब 28 करोड़ रुपिया के लागत के आने आने विकास काम के लोकार्पण अउ भूमिपूजन करीन । डॉ. डहरिया ह 6 करोड़ 43 लाख 11 हजार रुपिया के लागत के विकास काम के लोकार्पण करीन ।
एमा आने आने समाज के सामुदायिक भवन, सी.सी.रोड अउ नाली निर्माण, स्कूल भवन, बाउण्ड्रीवाल निर्माण समेत दूसर काम सामिल हे । अइसने 21 करोड़ 64 लाख 12 हजार रुपिया के लागत ले निर्मित होवइया करीब 34 ठीन विकास काम के भूमिपूजन करीन ।
आरंग के शासकीय बुनियादी शाला प्रांगण म आयोजित ए समारोह म नगरपालिका आरंग के अध्यक्ष चन्द्रशेखर चंद्राकर, कोमल साहू, आरंग के आने आने समाज के प्रमुख, नगरपालिका के पार्सद , जनप्रतिनिधि अउ नागरिक उपस्थित रिहीन ।
Other Articles
Next
Previews
No Comment! Be the first one.