कोरबा । हसदेव पावर प्लांट के मिनी हाईड्रल प्लांट के डैम टूट जाए ले करोड़ों के नुकसान के आसंका जताए जात हे। बते जात हे कि दर्री स्थित 850 किलोवाट के मिनी हाईड्रल प्लांट के दूसर यूनिट म मेंटेनेन्स के काम चलत रहिस, तभु डैम के दीवाल म दरार आए के संग ही सेफ्टी वाल के टूटे ले प्लांट म पानी घुस गिस। डैम के फूटे ले हाईड्रल प्लांट म पानी भर गिस जेकर ले करोड़ो रुपिया के मसीन पानी म डूब गिस। श्रमिक नेता प्लांट के मेंटेनेन्स म लापरवाही ल घटना के कारन बतात हे। फिलहाल ये पूरा मामला ल लेके एचडीपीपी के अधिकारी कछु भी कहे ल बचत दिखत हे।
